Ош технологиялык университетинде профессордук-окутуучулар курамынын жана кызматкерлердин катышуусунда «Сабаттуу бол» акциясы өтүп жатат. Мында уюштуруу тобу тарабынан окуу жайдын жалпы жамаатына жат жазуу жаздырылды.

Маалыматка ылайык, жат жазуу саамалыгына катышкандардын жазган иштери адистердин текшерүүсүнөн өтүп, мыкты жазган кызматкерлер жыйынтыгында атайын сыйлыктарга ээ болушат.

Иш-чара университеттин мамлекеттик тил бөлүмүнүн иш планына ылайык, окуу жайдын кызматкерлеринин сабаттуулугун жогорулатуу максатында уюштурулду.