Жалал-Абад мамлекеттик университети тарабынан "Дүйнө Айтматовду окуйт” аталышындагы флешмоб болуп өттү.
ЖАМУда билим алып жаткан студенттер улуу жазуучу Чыңгыз Айтматовдун 90 жылдыгына карата жазуучунун чыгармаларын окуп, онлайн флешмобго катышты. Анда студенттер кыргыз, орус, англис, кытай, өзбек жана башка тилдерде чыгармаларды окушту.
Белгилей кетсек, Кыргыз Республикасынын Билим берүү жана илим министрлигинин 21.04.2017-жылындагы Жарлыгынын негизинде жогорудагы иш-чара уюшулду. Анын максаты – Ч.Айтматовдун чыгармаларын ар улуттун тилинде окуп, дүйнөгө кененирээк жайылтуу.