‌"Илим, техника жана өндүрүш жумалыгынын" алкагында Ош областтык балдардын чыгармачылык борборунун жана Ош шаарындагы "Келечек" балдар чыгармачылык борборунун илим жана техникага кызыккан мектеп окуучулары Ош технологиялык университетине келишти. Жалпысынан 200дөй окуучу аталган жогорку окуу жайда экскурсия кылышып, материалдык-техникалык базасын көрүшүп, техника илиминин бүгүнкү күндөгү жаңылыктары, студенттер тарабынан жасалып жаткан илимий иштер менен жакындан таанышып кайтышты.