Жаңылануунун, жаздын, күн менен түндүн теңелген майрамы болгон Нооруз майрамын Ош технологиялык университетинин эмгек жамааты Ош шаарынын борбордук аянтына жанаша жайгашкан «Сүйүү багында» белгиледи.

Майрамдык кече шаардык деңгээлде уюштурулуп, жалпы Ош шаарынын жашоочулары үчүн өзгөчө майрамдык маанай тартууланды. Майрамга Ош шаарынын мэри Кадырбаев Айтмамат Тентибаевич баштаган жетекчилик катышты.

Ош технологиялык университетинин ректору, профессор Абдыкадыр Абидов куттуктоо айтып, жалпы жамаатты, шаар калкын майрамы менен куттуктады.

Студенттер тарабынан «Сармерден» оюну уюштурулуп, сүмөлөк кайнатылып, спорттук иш чаралар уюштурулду.