М.М.Адышев атындагы Ош технологиялык университетинде 24-апрелде студенттер, магистранттар, аспиранттар жана жаш окумуштуулар үчүн аймактык илимий – практикалык конференция болот.

Студенттик илимий жумалыктын алкагында өтүлүүчү Аймактарды өнүктүрүү жылына жана Ч.Т.Айтматовдун 90-жылдыгына карата уюштурулган “Илим.Техника.Инновациялар” аймактык илимий – практикалык конференцияга бардык жогорку окуу жайынын студенттери, магистранттары катышуу мүмкүнчүлүгү бар.

Аталган конференцияда окулган илимий докладдар, изденүүчүлөрдүн эмгектери Кыргыз Республикасынын Жогорку Аттестациялык Комиссиясы тарабынан сунушталган "Известия ОшТУ" журналына жарыяланат.

Конференциянын ачылышы 2018-жылдын 24-апрелинде саат 9-00 дө ОшТУнун чоң актылар залында өткөрүлөт.