Чүй облусунун Аламүдүн районуна караштуу Сакин Бегматова атындагы Таш-Мойнок орто мектебинде  Акыркы коңгуроо аземи болуп өттү. Бүтүрүүчүлөрдү Таш-Мойнок айыл өкмөтүнүн өкүлдөрү, ошондой эле демөөрчүлөр келип куттукташты. Мектепте эмгектенип жаткан мугалимдерге "Мыкты мугалим", "Мыкты класс жетекчи", жакшы окуган окуучуларга "Мыкты окуучу", "Мыкты бүтүрүүчү", "Мыкты спортчу" номинацияларын тапшырышып, өздөрүнүн даярдап келген белектерин беришти. Андан сырткары, ушул мектептин 10 жыл жана 20 жыл мурунку бүтүрүүчүлөрү келип, окуткан мугалимдерине каалоо-тилектерин айтышты.