Ош гуманитардык-педагогикалык институтунда 22-23-24-июнь күндөрү “Студенттер билимдүү, бирдиктүү Кыргызстан үчүн!” аттуу фестивалы өттү. Ал 2016-жылы түзүлгөн Ош декларациясынын алкагында, Аймактарды өнүктүрүү жылына карата уюшулду.
Фестивалдын катышуучулары:
• Ысык-Көл мамлекеттик университети;
• Талас мамлекеттик университети;
• Нарын мамлекеттик университети;
• Баткен мамлекеттик университети;
• Жалал-Абад мамлекеттик университети;
• Ош мамлекеттик университети;
• Ош гуманитардык-педагогикалык институту.
“Фестивалдын максаты республикабыздын аймактарындагы ЖОЖдор арасында ички академиялык мобилдүүлүктү өнүктүрүү, студенттердин интеллектуалдык жана маданий деңгээлин жогорулатуу, студент-жаштарды мекенчилдикке тарбиялоо менен алардын ортосундагы достукту бекемдеп, түрдүү бөлүнүп-жарылуулардын алдын алуу. Иш-чара студенттер бири-бири менен таанышып, тажрыйба алмашуусуна жана ынак мамиледе болуусуна өбөлгө болууда", - дейт ЖАМУнун проректору Айгүл Доранова.
Фестивалдын жобосуна ылайык, төмөндөгүдөй жанрларда жана формада программа даярдалган:
1. Видеотасма;
2. Саламдашуу;
3. Фольклордук жанр;
4. Хореографиялык жанр;
5. Поэзиялык жанр;
6. Сахналык көрүнүш;
7. Эстрадалык жанр.
ЖАМУдан барган таланттуу студенттер ОГПИнин Ардак грамотасы, 10 миң сомдук сертификат, 4 жанр боюнча достук фестивалынын лауреатынын диплому жана башка баалуу белектер менен сыйланышты. Фестивалдын аягында 7 аймактан келген ЖОЖдордун студенттери, окутуучу-кызматкерлери Ош шаарынын тарыхый-маданий жайларына, тактап айтканда, Сулайман-Тоого, тоодогу музейлерге, “Алымбек датканын айылы” комплексине, шаардын сейил бактарына саякатташты.