ОшТУнун Технологиялык колледжинин босогосун аттаган студенттер менен окуу жайдын жетекчилиги, Ош шаардык ички иштер башкармалыгынын кызматкерлери жана "No name" тамашоу лигасынын командасы жолугушуу өткөрүштү.

Жаңыдан студенттик доорду баштаган жаштарга күч түзүмдөрүнүн кызматкерлери шаардагы коомдук тартип жөнүндө кеңири маалымат берип, ар кандай жаман иштерден алыс болууга чакырышты.

Иш-чаранын жүрүшүндө республикага аты таанылган "No name" командасынын жигиттери студенттерди бош убактыларын текке кетирбестен, убакытты туура пайдаланып, жакшы ийгиликтерге жетүүгө үндөштү. Иш-чара жагымдуу маанай тартуулаган концерттик программа менен коштолду.