ЖАМУнун окутуучусу, профессор Талча Аманкулова КР өкмөтүнүн Ардак грамотасы менен сыйланды. Сыйлыкты мугалимдер күнүнө карата окуу жайда уюшулган иш-чарада университеттин ректору Кеңешбек Усенов тапшырды.

Т.Аманкулова – айыл-чарба илимдеринин доктору, профессор. Ал бир топ жылдан бери Жалал-Абад мамлекеттик университетинде эмгектенип, “Биология” кафедрасынын башчысы, педагогика жана маалыматтар факультетинин деканы, табигый-техникалык факультетинин деканы жана ЖАМУнун илим изилдөө боюнча проректору кызматтарын аркалаган. Көп жылдык эмгеги бааланып, КР өкмөтүнүн № 064 токтомунун негизинде, мамлекетке сиңирген өзгөчө эмгегин баалоо иретинде Ардак грамота менен сыйланды.