Жалал-Абад мамлекеттик университетинин 5 студенти география предмети боюнча 2-республикалык олимпиадага катышышты. Олимпиада К.Тыныстанов атындагы Ыссык-Көл мамлекеттик университетинде 8 жогорку окуу жайдын студенттеринин катышуусунда өттү. Бул тууралуу ЖАМУнун география кафедрасынын башчысы Карачач Асанова билдирди.

Анын айтымында, студенттердин билим деңгээлин текшерген олимпиада Кыргыз географиялык коому тарабынан уюшулуп, анда 8 команда таймашкан. “Биздин студенттер командалар арасында 2-орунду камсыздашты. Ал эми Айдана Тагаева активдүү катышкандыгы үчүн диплом менен сыйланды”, - дейт кафедра башчысы.

Олимпиадага катышкан ЖАМУнун студенттери:

1. Баратова Перизат,

2. Тагаева Айдана,

3. Жуманазар кызы Айдана,

4. Кубаныч кызы Дамира,

5. Сабирова Бегимай.