2018-жылдын 5-декабрында Ч.Айтматов атындагы китепканада «Ч. Айтматов жана китеп дүйнөсү» аттуу тегерек стол өткөрүлду. Ага Чыңгыз Айтматовдун калемдештери, курдаштары, Кыргызстандын белгилүү ишмерлери Апас Жумагулов, Амангелди Муралиев, Асан Жакшылыков жана башка Айтматов таануучулар катышышты.

Алар курсанттарга Чыңгыз Айтматовдун чыгырмаларындагы өзгөчөлүктөрдү, баалуулуктарды, деги эле, Ч. Айтматовдун дүйнө элине чыгармалары аркылуу жасаган кайрылууларын тереңден айтып берип жатышты. Айрымдары Ч.Айтматовду инсан катары кандай болгонун, кыргыз эли үчүн жасап кеткен зор эмгектерин даңазалоо менен курсанттарга көптөгөн акыл-насааттарын айтып өтүштү.

Ошондой эле иш-чарада Б.Кыдыкеева атындагы жаштар жана Чүй областтык театрларынын актёрлору залкар жазуучунун чыгармаларынан үзүндулөрдү аткарышты.

Маданий иш-чара катышуучулардын эстеликке сүрөткө түшүшү менен соңуна чыкты.