Жалал-Абад колледжинин укук таануу жана социалдык иш бөлүмүнүн окутуучусу А.Усенов КР өкмөтүнүн ыраазычылык каты менен сыйланды.
А.Усенов Жалал-Абад облусунун атынан жаш активист катары «Адам сатууга каршы» долбоорунун алкагында өткөн жылдын июль айында Ысык-Көл облусуна барып, окуп келген. Облуста 100 күндүк маалыматтык иш-чараны активдүү уюштургандыгы үчүн ыраазычылык кат менен сыйланды.
«Адам сатуунун алдын алуу жана ага каршы күрөшүү жөнүндө» Кыргыз Республикасынын мыйзамына ылайык, 2017-жылдын ноябрында КР өкмөтү тарабынан «2017-2020-жылдарга карата адам сатууга каршы күрөшүү боюнча программасы» жана аны ишке ашыруу чараларынын планы бекитилген.