Жалал-Абад мамлекеттик университетинин ректору Кеңешбек Усенов 5-мартта Пакистан Ислам Республикасынын Кыргызстандагы элчиси Файсал Ниаз Тирмизи менен жолугушту.

Жолугушуу учурунда элчи окуу жайдын имараттары менен таанышып, студенттери менен жолугушту. «Жалал-Абад мамлекеттик университети республиканын аймагындагы алдыңкы окуу жай экен. Биздин жарандар медицина тармагында билим алып, Пакистан Ислам Республикасынын кадрдык маселесин чечүүгө салым кошуп жатканыңыздарга ыраазычылык билдирем. Келечекте тыгыз кызматташабыз», - деди ал.

Ошондой эле ал Медицина факультетинде билим алып жаткан пакистандык студенттер менен жолугушту.