Жалал-Абад мамлекеттик университетинин экономикалык-юридикалык факультетинин 4 студенти VIII эл аралык олимпиадага катышып келишти. Бул олимпиадага республикадагы жогорку окуу жайлардан, Өзбекстан, Россия жана Казакстандын жогорку окуу жайларынын студенттери катышып, билимдерин сынашты.

Аталган факультеттин деканы А.Аскарованын айтымында, олимпиадага Тилек Кеңешбеков, Диана Кочкорова, Канышай Раматиллаева, Айпери Союзбекова, Медербек Нурланов доценттин милдетин аткаруучу Г.Жамашеванын жетекчилигинде маркетинг предмети боюнча барышкан. «Жалпы 16 команда катышып, анын ичинен 3 команда Өзбекстандан, 2 команда Казакстандан, 2 команда Россиядан жана Ош, Бишкек шаарындагы жогорку окуу жайлардан командалар бар. Жыйынтыгында ЖАМУнун командасы «Чексиз ресурс» («Неограниченный ресурс») номинациясын жеңип, диплом жана «Imzo KG» компаниясынан стажировка өтүү үчүн сертификат менен сыйланышты. Ал эми команданын жетекчиси Г.Жамашева ыразычылык катка ээ болушту», - дейт ал.