14:47 19 марта 2019

№3 Лебединовка орто мектебинде кылмыштуулуктун алдын алуу иш-чарасы өттү

№3 Лебединовка орто мектебинде 19-мартта жаш өспүрүмдөр арасында кылмыштуулуктун алдын алуу боюнча чогулуш өттү. Иш-чарага Аламүдүн районунун прокурору Э.Стакеев, социалдык өнүгүү башкармалыгынын башчысы Г.Кыштобаева, Аламудун райондук билим берүү бөлүмүнүн адиси С.Орозбаева, ага тескөөчү, милициянын майору А.Калашев, Лебединовка айыл өкмөтүнүн негизги адиси А.Кожобаева, №3 орто мектебинин ЖИИнин тескөөчүсү Н.Жумагулова, мектептин администрациясы, 7-10-класстардын окуучулары катышты.

Иш-чаранын алкагында жашы жете элек өспүрүмдөр арасында кылмыштуулуктун, талап-тоноонун, зордук-зомбулуктун алдын алуу боюнча талкуу жүрдү.

«Чындыгында биз мыйзамды сыйлашыбыз керек. Бир нерсе жасоодон мурда өзүбүздү жана жакын адамдарыбызды ойлошубуз зарыл. Эгерде кандайдыр бир кылмыштуулукка күбө болсоңор мугалимге, ата-энеңерге же ЖИИ инспекторуна кайрылсаңар болот. Жаман көнүмүш адаттарды калтырып, спорт менен машыккыла. Балдар — биздин келечегибиз, ошондуктан дени сак жашоону тандайлы!», - деди райондун прокурору Э.Стакеев.

ЖИИ инспектору Н.Жумагулова талап-тоноочулук боюнча лекция окуду.

Чогулушта балдар көптөгөн маалыматтарга ээ болуп, мектептин директору Манас Адиевдин сөзү менен жыйынтыкталды.

Автордун стилистикасы жана грамматикасы сакталды
Комментарии будут опубликованы после проверки модератором.
Видеоматериалы
Фотоматериалы
×

up