Ош мамлекеттик университетинин ректору, профессор Каныбек Исаков Бишкек шаарына болгон иш сапарынын алкагында Бишкек шаарындагы жогорку окуу жайларда жайкы семестрде ички академиялык мобилдүүлүктөн өтүп жаткан ОшМУнун 50гө жакын студенти менен жолугушту.

Жолугушууда студенттердин ден соолугун, окууларын, жашоо шарттарын сурап, алар менен жакындан баарлашты. Ошондой эле ички мобилдүүлүктүн пайдасы, өлкөнүн башка ЖОЖдорунан билим алуудагы таасирлер, артыкчылыктар боюнча сурап, аларга өзүнүн кеп-кеңештин айтты.

Эки тараптуу келишимдердин негизинде мобилдүүлүктө жүргөн студенттер университеттин жамаатына, жетекчиликке түзүлгөн мүмкүнчүлүктөр үчүн ыраазычылыктарын айтышты.

Кышкы семестрде ОшМУнун 53 студенти өлкөнүн аймагындагы окуу жайлардан ички мобилдүүлүктөн өтүшкөн.