2019-жыл «Региондорду өнүктүрүү жана өлкөнү санариптештирүү» программасын ишке ашыруу максатында жана «Кыргыз Республикасынын мамлекеттик тили жөнүндө» КР мыйзамынын кабыл алынгандыгынын 30 жылдыгына карата ошондой эле Ч.Айтматовдун 90 жылдыгын утурлай 28-май күнү ЭИТУда бүткүл республикалык мектеп окуучулар арасында интеллектуалдык оюндун жыйынтыктоочу туру өткөрүлөт.
Буга чейин «Ийгилик жолу» аталыштагы студенттерден куралган топ, Кыргызстандын 7 областындагы орто мектептерди кыдырып, интеллектуалдык оюн өткөрүп келишкен. Анда 1 орунду камсыз кылган 150 окуучу жыйынтыктоочу турга ата-эне жана мугалимдери менен келишет.
Жеңүүчүлөргө төмөнкү сыйлыктар тапшырылат:
1-орун - ЭИТУга бюджеттик негизде окууга сертификат
2-орун - 25 миң сом
3-орун - 15 миң сом
Таймаш аяктаган соң, келген катышуучуларга шаар ичине жана «Ата-Бейит» мемориалдык комплекске экскурсия уюштурулмакчы.