2019-жылдын 4-ноябрында КУАУнун Экономика жана маалыматтык системалар факультетинде Кооперативдерди колдоо боюнча маалыматтык-консультациялык окуу борборунун ачылыш аземи өттү.

Борбордун ачылышына университеттин ректору, УИАнын корреспондент-мүчөсү, ветеринария илимдеринин доктору, профессор Р.Нургазиев, Өкмөттүк аппараттын агро-өнөр жай комплекси жана экология бөлүмүнүн башчысы А.Жээналиев, Туркиянын Кыргызстандагы элчиси Женгиз Камиль Фырат, Түрк эл аралык кызматташтык жана өнүгүү агенттигинин Бишкектеги кеңсесинин программалык координатору Али Муслу, Түркиянын Айыл чарба жана токой чарба министрлигинин, агрардык реформа башкы башкармалыгынын кооперация боюнча суроолорду уюштуруу бөлүмүнүн адиси Мехмет Али Коркмаз, эл аралык борбордун айыл чарба шаймандары жана техника боюнча адиси Месут Гёлбашы, Айыл чарба, тамак аш өнөр жайы жана мелиорация министрлигинин статс-катчысы М.Ташболотов, КУАУнун профессор-окутуучулар жамааты, ЖМК ж.б. катышты.