Ош технологиялык университетинде илимий-изилдөө лабораториялардын, кафедралардын жана факультеттердин 2019-жылдагы илимий ишмердүүлүктөрүнүн жетишкендиктерин жана келечектеги милдеттерин талкуулоого арналган IV илимий сессия 14-24-январь күндөрү өткөрүлдү.

Илимий сессиянын негизги максаты — илимий-изилдөө лабораторияларда, кафедраларда, факультеттерде аткарылган илимий-изилдөө иштерди, илимий жетишкендиктерди анализдөө жана баа берүү.

Иш-чараны илим жана инновация боюнча проректор, профессор Б.Шамшиев ачып, сессиянын иштөө тартиби менен тааныштырды. Анда илим-изилдөө лабораториялардын, кафедралардын, факультеттердин 2019-жылдагы илимий-изилдөө иштеринин аткарылышы каралды жана келечектеги негизги приоритеттүү илимий багыттары талкууланды.