АКИpress окурмандарынан кечирим сурайт. Бардык маалыматтарды ыкчам, так, объективдүү жеткирүүдө кыйынчылыктар жаралып жатат. ЖМК өзгөчө абал учурунда уруксат берилген ишмердүүлүктөрдүн түрүнө кирген эмес.

13:03 30 января 2020

ОшМУ менен Түркиянын бир катар университеттери эки тараптуу кызматташуу келишимдерине кол коюшту

ОшМУнун ректору Кудайберди Кожобеков баштаган делегация Туркиянын Сивас, Анкара, Токат, Амася шаарларындагы жогорку окуу жайлар менен кызматташтыкты өнүктүрүү максатын көздөгөн иш сапарда болушту.

Иш сапардын алгачкы күнү Жумхуриет университетинде башталды. Делегация университеттин жалпы түзүлүшү, структурасы жана иштөө менеджменти менен жакындан таанышышты. Ошондой эле Жумхуриет университетинин ректору, профессор Алим Йылдыз менен жолугушуу болуп өттү. Жолугушууда эки тараптуу бирдиктүү иш алып баруу маселесинин тегерегинде сөз болуп, мындан ары эки университет ар бир адистик боюнча студенттерди академиялык мобилдүүлүккө жиберүү, өз ара кызматташтыкты бекемдөө чечимине келишти. Башкача айтканда, ОшМУнун түрдүү адистигинде билим алып жаткан 100 студентти Түркиянын Жумхурият университетинде мобилдүүлүктүн негизинде 1 жыл окутуу чечимине жетишишти.

Иш сапардын кийинки бөлүгү Токат шаарындагы Османгази паша атындагы университетинде жана Амася шаарындагы Амася университетинде уланды. Османгази паша атындагы университеттин ректору, профессор Буньямин Шахин жана проректору Ибрахим Өзбай менен эки тараптуу кызматташуу келишими, «Мевлана» жана «Эрасмус+» программалары боюнча келишимдерге кол коюлду. Амася университетинин ректору, профессор Сулейман Елмажы менен эки тараптуу кызматташуу жана Мевлана программасы боюнча келишимге кол коюлду.

Аталган университеттер менен ОшМУ студенттер ортосунда академиялык мобилдүүлүктү гана өнүктүрбөстөн, окутуучулардын илим изилдөө, тажрыйба алмашуу багытында кызматташтыктарын да бекемдейт.

Анкара шаарында Түркиянын Юнус Эмре институнун (Түрк тилин жана маданиятын дүйнөгө жайылтуу мамлекеттик мекемеси) өкүлчүлүгүн ОшМУнун базасында ачуу боюнча сүйлөшүүлөр болду.

Иш сапардын алкагында ОшМУдан барган дегегация тууралуу жана кабыл алынган келишимдер боюнча аталган университеттердин расмий сайттарында маалыматтар берилип турду.

Автордун стилистикасы жана грамматикасы сакталды

Автордун башка жаңылыктары

ОшМУ жалпы республикалык тестке даярдыкты текшерүүчү сайт иштеп чыкты

ОшМУнун ректору видеоконференция аркылуу бөлүмдөрдүн жетекчилери менен жыйын өттү

ОшМУ KelBil мобилдик тиркемесинин түзүүчүлөрү менен бирге студенттерге ыңгайлуу жаңы программа иштеп чыкты

ОшМУ коронавирусту алдын алуу иш-чаралары үчүн 700 миң сом акча каражатын бөлдү

Ош мамлекеттик университетинде жана студенттик жатаканаларында дезинфекциялоо иштери жүрүп жатат

Комментарии будут опубликованы после проверки модератором.
Для добавления комментария необходимо быть нашим подписчиком
Видеоматериалы
Фотоматериалы
×

up