Академик М.М.Адышев атындагы Ош технологиялык университетине академик У.Асаналиев атындагы Кыргыз мамлекеттик геология, тоо-кен иштери жана жаратылыш ресурстарын пайдалануу университетинин студенттери жана окутуучулары келишти.

Бул иш-чара ички мобилдүүлүктөр боюнча университеттер аралык түзүлгөн келишимдин негизинде ишке ашты. Коноктор ОшТУнун ректору, профессор Абдыкадыр Абидов менен жолугушуп, окуу жай менен таанышып чыгышты.

Жолугушуунун негизги максаты – Ош технологиялык университети менен У.Асаналиев атындагы Кыргыз мамлекеттик геология, тоо-кен иштери жана жаратылыш ресурстарын пайдалануу университетинин ортосундагы кызматташтыкты бекемдөө жана өлкө ичиндеги мобилдүүлүктү жакшыртуу болуп саналат.

2020-жылдын 2-мартынан 12-мартына чейин, 10 күндүк ички мобилдүүлүк боюнча «геология» багыты боюнча келген студенттер сабактарга катышууда.