Коронавирус илдетинин алдын алуу жана ал боюнча өкмөт тарабынан жүргүзүлүп жаткан иштерге колдоо көрсөтүү​ максатында Ош гуманитардык-педагогикалык институту жалпы эмгек жамааттын 1 күндүк эмгек акысын – 170 миң которду. Бул тууралуу окуу жайдын ректору Бекмурза Зулуев билдирип, бул чечим жетекчиликтин демилгеси, жамааттын колдоосу менен ишке ашканын белгиледи.

Ошондой эле ректор өз сөзүндө баарыбызды дүрбөлөңгө салган апаатты бир гана бири-бирибизди колдоо, тынчтыкты кармоо жана белгиленген эрежелерди сактоо менен гана жеңе аларыбызды айтып, мындай оор кырдаал учурунда четте карап турбай,​ институттун атынан аз да болсо жардам көрсөтүлүп жатканын кошумчалады.