Ош технологиялык университети студенттер үчүн жыл сайын уюштурулуучу «ОшТУ таланттары» сынагын быйылкы жылы виртуалдык түрдө жарыялайт.
Сынак 2 этаптан турат. 1-этап апрель айынын ичинде, ал эми 2-этабы май айында болот.
Сынактын талаптарына ылайык, студенттер өздөрүнүн таланттарын видео аркылуу жасап, аралыктан туруп эле социалдык тармактар аркылуу катышса болот. Жеңүүчүлөргө баалуу белектер коюлган.
Сынактын шарттары:
1. Ош технологиялык университети жөнүндө ыр жазуу;
2. Жазылган ырга оригиналдуу видео тартуу;
3. Сынакка катыша турган видеону What'sapp 0500 193 138 номерине жөнөтүү керек.
Видео университеттин @oshtu баракчасына жүктөлөт.
Эгерде видео көп сандагы көрармандарды, лайктарды жана комментарийлерди чогулта алса, ал жеңүүчү болот. Жеңүүчүлөр үчүн баалуу белек – ноутбук.
Эскертүү: Катышуучулардын талантына болгон баа – эң көп топтогон добушу (Like) менен жыйынтыгы чыгарылат.