Ош мамлекеттик университетинин ректору Кудайберди Кожобековдун демилгеси менен бириккен профсоюз комитети тарабынан окуу жайда эмгектенген жардамга муктаж 130 кызматкерге учурдагы кырдаалды эске алуу менен гуманитардык жардам көрсөтүлүп, ар бир кызматкерлердин үй-даректерине күнүмдүк керектелүүчү тамак-аш азыктары жеткирилди.

«Окуу жай тарабынан берилген гуманитардлык жардам алган окутуучулардын жана кызматкерлердин тизмеси ар бир факультеттин, коллеждердин жана лицейлердин профбюролорунун төрагалары жана төрайымдары тарабынан берилген», - деди ОшМУнун профсоюз комитетинин төрагасы А.Саттаров.

ОшМУда өзгөчө кырдаал башталган алгачкы күндөн тартып атайын штаб түзүлүп, иш алып барылууда. Буга чейин сунуштарга ылайык, 60 кызматкерге өздөрүнүн эсебинен 1 каптан ун алынып, таратылган.