ОшМУнун студенттери академиялык мобилдүүлүк программасынын негизинде Франциянын жогорку окуу жайларында билим алышат. Мындай маалымат 8-июнда Ош мамлекеттик университенинин ректору Кудайберди Кожобеков менен Франциянын Кыргызстандагы элчиси Микаэль Рунун жолугушуусу учурунда айтылды.

Сүйлөшүүнүн жүрүшүндө кыргыз-француз жогорку окуу жайларынын өз ара кызматташуу, ОшМУда француз тилин өркүндөтүү тууралуу сөз болду. Ректор Кудайберди Кожобеков ОшМУ жөнүндө кенен маалымат берип, окуу жайда француз тилин окутууга жана өркүндөтүүгө толук шарт бар экенин айтты.

ОшМУнун дүйнөлүк тилдер жана маданият факультетинде 1995-жылы француз тили секциясы ачылган. Бишкектеги Франция консулдугу окуу процессин жакшыртуу жана өркүндөтүү максатында материалдык көмөк көрсөтүп келет.