2020-жылдын 21-декабрынан 2021-жылдын 21-январына чейин Майлуу-Суу шаарындагы орус тилдүү №2 орто мектебинде кыргыз элинин алгачкы агартуучуларынын бири, педагог, котормочу, публицист, туңгуч лексикограф жана лексиколог, профессор Кусеин Карасаевдин 120 жылдыгына карата атайын иш-чаралар өткөрүлдү.

Мектеп окуучулары иш-чарага активдүү катышты. Иш-чаранын жеңүүчүлөрүнүн аткарган иштери атайын видеослайд менен жыйынтыкталды.

9-класстардын окуучулары жат жазуу жазышса, 10- класстын окуучулары реферат жазышты. Ал эми 10-11-класстын окуучулары арасында К.Карасаевдин кыргыз элине берген «Ак батасын» көркөм айтуу менен сынак өткөрүлүп, анда 10-класстын окуучусу У.Каримов менен 11-класстын окуучусу Г.Тороева жеңүүчү болушту. Ошондой эле 11-класстын окуучулары арасында Г.Балтабаева К.Карасаевдин өмүр жолун чагылдырган презентацияда эң жакшы эмгеги менен айырмаланды.