Ош технологиялык университетинин Гуманитардык-технологиялык колледжинин базасында «информатика, программалоо жана байланыш» багытындагы студенттери үчүн робототехникалардын окуу-лабораториялык борбору ачыды.
Ачылуу аземине окуу жайдын жетекчилиги, окутуучулар жамааты жана студенттер катышты.
Лаборатория керектүү электрондук шаймандар менен жабдылган жана окуу курсу студенттер үчүн акысыз. Студенттер робототехниканын, электрониканын жардамы менен аткарылуучу илимий тажрыйбаларды жана роботторду долбоорлоо, конструкциялоо жана программалоо жөндөмдөрүн үйрөнө алышат. Бул окуу-лаборатория «STEAM 21-кылымдын жөндөмдөрүн өнүктүрүү» долбоорунун алкагында ачылды. Аталган долбоор АКШнын Кыргызстандагы элчилиги тарабынан каржыланат.