Б.Осмонов атындагы Жалал-Абад мамлекеттик университетинин медицина колледжинин студенттери 24-март — Бүткүл дүйнөлүк кургак учукка каршы күрөшүү күнүнө карата уюшулган диспутка катышып, 1-орунду ээлешти.

Жалал-Абад шаарындагы медициналык колледждеринин студенттери арасында 2021-жылдын 16-мартында К.Ш.Токтоматов атындагы Эл аралык университетинде диспут өткөрүлдү. Диспут кургак учук менен ооруган бейтаптарга колдоо көрсөтүү максатында «Доор» , USAID жана «Кызыл Ай коому» тарабынан уюштурулду.

Диспутка Б.Осмонов атындагы Жалал-Абад мамлекеттик университетинин Медициналык колледжинин студенттеринен куралган «Сергек жашоо» командасы, К.Токтоматов атындагы Эл аралык университетинин Эл аралык медициналык колледжинин студенттеринен куралган «Ден соолук» командасы жана Жалал-Абад медициналык колледжинин студенттеринен куралган «Белая ромашка» командалары катышты.

Диспут түзүлгөн 3 программанын негизинде өткөрүлдү.

• Саламдашуу (команданын атын чечмелөө);
• Видеоролик (кургак учукка байланыштуу);
• Суроо-жооптор (кургак учук боюнча ар бир командага 3төн суроо берилди, ар бир берилген суроо-жооптордун маанисин кароо).

Жыйынтыгыда 1-орунга 37 упай менен Б.Осмонов атындагы Жалал-Абад мамлекеттик университетинин Медициналык колледжинин студенттери, 2-орунга 36 упай менен К.Токтоматов атындагы Эл аралык университетинин Эл аралык медициналык колледжинин студенттери, 3-орунга 34 упай менен Жалал-Абад медициналык колледжинин студенттери ээ болушту. Алар дипломдор жана баалуу белектер менен сыйланышты.