И.Арабаев атындагы КМУнун чыгыш таануу жана эл аралык мамилелер факультетинде 23-апрелде «Үмүт, камкордук жана жоопкерчилик: миф жана чындык» темасында онлайн форматта тегерек стол уюштурулду.

Иш-чаранын максаты:

• Студенттерге Кыргыз Республикасынын Жазык кодексинин 175-беренеси менен белгиленген жоопкерчилик жөнүндө маалымат берүү;

• Мажбурлап никеге туруу максатында адамды уурдоонун кесепеттери жөнүндө түшүндүрүү;

• Студенттердин арасында зордук-зомбулук көрүнүштөрүнөн сактануу жана алардын алдын алуу.

Иш-чарага факультеттин 1-4-курстарынын студенттери жана профессордук-окутуучулар курамы катышты. Жыйынтыгында тегерек стол студенттердин ар кандай суроолору, кызуу талкуусу жана сунуштары менен аяктады.

Тегерек столдун жыйынтыгында төмөндөгүдөй сунуштар айтылды:

• Адам укугун коргоо боюнча лекциялардын серияларын атайын адистердин катышуусунда уюштуруу;

• Кийинки иш-чараны студенттердин ата-энелеринин, жакындарынын катышуусу менен уюштуруу;

• Тегерек столдогу маалыматтарды бөлүшүү жана жайылтуу.