Кыргыз Республикасынын ИИМ Академиясынын «Коомдук-саясий сабактар» кафедрасы тарабынан «Эгемендүүлүк – демократиялуу өлкөнүн негизги баалуулугу: тарыхий 30 жыл» аттуу жогорку окуу жайлардын арасында студенттик конференциясы онлайн форматында өткөрүлдү.

Иш-чарага Ж.Баласагын атындагы Кыргыз улуттук университетинин, Кыргыз мамлекеттик медициналык академиясынын, И.Арабаев атындагы Кыргыз мамлекеттик университетинин студенттери жана ИИМ Академиясынын курсанттары катышты.

Конференциянын жүрүшүндө катышуучулар Кыргыз Республикасынын 30 жыл ичиндеги жетишкендиктери жана кемчиликтери, өнүгүү этаптары, көз карандысыздык алгандан бери болуп өткөн орчундуу окуялары жана жыйынтыктары, эгемендүү Кыргызстандагы билим берүү тармагынын өзгөрүшү жана Кыргызстандын тышкы саясаты тууралуу баяндамаларды окушуп, кызуу талкууга алышты.

Иш-чаранын аягында конференциянын жыйынтыгы чыгарылып, сунуштар кабыл алынды.