ОшМУнун бүтүрүүчүсү эл аралык долбоордо жеңүүчү болду.
Сынак Казакстандын Нур-Султан шаарында жайгашкан Билим берүү, илим, спорт жаатындагы Bobek эл аралык долбоору тарабынан уюштурулган. Ага Азирет пандемия шартында онлайн катышкан.
Азирет Заидов уюштуруучулар тарабынан диплом, төш белги менен сыйланып, ал жөнүндө маалыматтар долбоордун алкагында жарык көргөн «КМШнын мыкты студенти-2021» китебине киргизилди.
«КМШнын мыкты студенти-2021» сыйлыгын 29-июлда Bobek эл аралык долбоорунун жетекчиси Абиев Еркебулан тапшырды.
Өткөн жылы бул сыйлыкка Кыргызстандык 24 студент татыган.
ОшМУнун чыгыш таануу жана тарых факультетинин 2021-жылкы бүтүрүүчүсү Азирет Заидов — өлкөдө эң ири өлчөмдө студенттерге стимул болуучу стипендия болуп саналган ОшМУнун «Атуулдук стипендиясынын» ээси.