QS Global Education News («QS (Дүйнөлүк университеттердин рейтинги) дүйнөлүк билим берүүдөгү жаңылыктар») журналынын 2021-жылдын август айындагы чыгарылышында ОшМУ тууралуу маалымат жарык көрдү. Анда окуу жайга тартылган инвестициялар, эл аралык байланыштар, биргелешкен билим берүү программалары, интернационалдык билим берүүгө багытталган иш-аракеттер берилген. Ошондой эле ОшМУда 2020-2021-окуу жылында түзүлгөн Эл аралык билим берүү программаларынын жогорку мектеби жөнүндөгү маалымат камтылган.
QS – эң көп окулган дүйнөлүк университеттердин рейтинги болуп саналат. Аталган журналда дүйнөдөгү өнүгүп жаткан университеттердин ийгилик жолу тууралуу макалалар жарыяланып келет.
Буга чейин аталган журналдын 2021-жылдын май айындагы чыгарылышында да ОшМУдагы бакалавриат, магистратурадагы ишке ашып жаткан кош дипломдуу билим берүү программалары, М.В.Ломоносов атындагы Москва мамлекеттик университетинин ОшМУдагы филиалы тууралуу маалыматтар жарыяланган.