Билим берүү жана илим министри Болотбек Купешев Баткен облусуна болгон иш сапарынын алкагында ОшМУда болду.
ОшМУнун базасында жогорку окуу жайлардын ректорлору, Ош облусундагы жана Ош шаарындагы райондук, шаардык билим берүү бөлүмдөрүнүн жетекчилери, мектеп директорлору менен жыйын өткөрүп, суроолорго жооп берип, сунуштарын укту.
Жыйында министр 15-сентябрда жаңы окуу жылынын башталышын Лейлек районунун Максат айылындагы Максат орто мектебинде өткөргөндүгүн айтып, иш-сапары Ош, Жалал-Абад облусунун аймагындагы мектептерде уланарын кошумчалады.
Жыйындан соң окуу жайдын медицина, эл аралык медицина, медициналык клиникалары жайгашкан ОшМУнун Ак-Буура кампусундагы билим берүүгө түзүлгөн шарттар менен таанышты.