2021-жылдын 15-18-сентябрь күндөрү Ысык-Көл облусунда «Кыргызстан—Азия-2021» V студенттер форуму болуп өттү.

Иш-чарага жалпысынан 25 жогорку окуу жайдын студенттери жана делегаттары катышып, 200дөн ашык бандама окулду. Алардын ичинде Кыргыз Республикасынын ИИМ Академиясынын курсанттары, студенттери да бар. Аларды «Коомдук-саясий сабактар» кафедрасынын окутуучусу, милициянын улук лейтенанты Алымбек уулу Медет жетектеп барган.

V студенттер форумунун алкагында илимий конференциялар жана практикалык иш-чаралар өткөрүлүп, студенттер арасында илимий тажрыйба алмашуу гана эмес, эл аралык достукту бекемдөө максатында ар кандай маданий иш-чаралар дагы уюштурулду. Аталган иш-чарада ИИМ Академиясынын курсанттары, студенттери жакшы көрсөткүчтөргө ээ болушту.