ОшТУнун академик Б.Мурзубраимов атындагы Өзгөн технологиялык жана билим берүү институтунда Жогорку Кеңештин вице-спикери Аида Касымалиеванын демилгеси менен жаш өспүрүм баланын сапаттуу билим алуусуна, келечекте жакшы тарбиялануусуна багытталган «Эне—бала—мугалим» байланышы боюнча Өзгөн аялдар коомунун презентациясы болуп өттү.
Бул саамалыкка А.Касымалиева, Өзгөн районунун жигердүү демилгечи айымдары жана Борбор Азиядагы Аялдар лигасынын (Женская Лига Центральной Азии) төрайымы жана курамы, Өзгөн районундагы демилгечи активдүү айымдар жана институттун аялдар кеңеши катышты.