Мамлекеттик тил күнүнө карата И.Раззаков атындагы КМТУнун Политехникалык колледжинде жыл сайын өтүлүүчү 3 айды камтыган Кыргыз тили фестивалы өз ишин кино жумалыгы менен баштады.
Студенттерди кыргыз элинин салт-санаасы, үрп-адаты, тарыхы жана эң негизгиси — тил байлыгы, руханий көрөңгөсү менен жакындан тааныштыруу, эне тилин сыйлоого, сүйүүгө тарбиялоону көздөгөн максатта 21-сентябрдан 24-сентябрга чейин колледждин окутуучулары жана студенттери үчүн «Исхак Раззаков», «Дарак ыры», «Көк бөрү» кинотасмалары көрсөтүлөт.
Кино жумалыгынан кийин студенттер кыргыз тили жана адабияты сабагынан көркөм тасмадан алган таасирлери тууралуу эссе, дилбаян жазышат.