Ош технологиялык университетинин профсоюз комитети жана жетекчилиги Карылар күнүн белгилешти.

Майрамга окуу жайда көптөн бери иштеп, эмгеги сиңген ардактуу карылар чакырылды. Акыл сөздөрүн айтып, ак жол көрсөтүп, алга сүрөгөн аксакал мугалимдерге сый тамак, акчалай колдоо жана жаштар тарабынан майрамдык маанайдагы концерт тартууланды.

Ардагерлер мугалимдер университеттин өнүгүү жолунда бара жатканын айтып, окуу жайдын жамаатына ыраазычылыгын билдирип, батасын беришти.

Жыл сайын Карылар күнүнө карата окуу жайдын администрациясы, профсоюз комитети тарабынан ардагерлерге ар тараптуу колдоо көрсөтүлөт.