17:49 14 октября 2021

ОшМПУнун командасы «Элдер достугу» аталышындагы маданий фестивалда 1-орунду камсыздады

Ош шаарындагы жогорку окуу жайлар ортосунда өткөн «Элдер достугу» аталышындагы маданий фестивалда Ош мамлекеттик университетинин командасы баш байгени камсыздады.

Аталган саамалык Ош шаардык жаштар иштери боюнча комитети жана «Вместе мы — сила» коомдук фонду тарабынан уюштурулган.

Фестивалга Ош мамлекеттик педагогикалык университетинин «Японияга жумушка орноштуруу» борборунун студенттери катышып, япон элинин маданиятын, улуттук өзгөчөлүктөрүн сахнада чагылдырышты.

Ар улуттун нарк-насилин жана маданиятын даңазалап, элдердин достугун бекемдөөгө багытталган бул иш-чарада ар бир окуу жай өздөрү тандап алган улуттун маданиятын көрсөтүшүп, катышуучулар өз чыгармачылыктарын тартуулашты.

Иш-чара эстрада жылдыздарынын катышуусунда өтүп, атайын калыстар тобу да дайындалган.

Фестивалдын жыйынтыгында комиссиянын чечими менен өзгөчө даярдык менен катышкан ОшМПУнун командасына 1-орун ыйгарылып, атайын диплом жана 15 миң сом акчалай сыйлык берилди.

Автордун стилистикасы жана грамматикасы сакталды

Автордун башка жаңылыктары

ОшМПУнун окутуучулары Елабуга институтунун квалификацияны жогорулатуу курстарына катышууда

ОшМПУнун окутуучулары Казанда өз билимдерин жогорулатышууда

Дене тарбия жана спорт академиясы Беловодское айылындагы балдар үйүнө жардам көрсөттү

ОшМПУнун «Багыт» окуу борбору окуучулар үчүн «Кесибим — келечегим» аттуу форум жарыялады

ОшМПУ менен Башкыр мамлекеттик педагогикалык университети кызматташуу келишимине кол коюшту

Комментарии будут опубликованы после проверки модератором.
Для добавления комментария необходимо быть нашим подписчиком
×

up

Закрыть Закрыть