19-октябрь — Социалдык кызматкерлердин күнүнө карата Ош технологиялык университетинин «Бизнести башкаруу жана социалдык иш» кафедрасы тарабынан «Биз биргеликте күчтүүбүз» аттуу иш-чара өткөрүлдү.
Кафедра башчысы Жамал Кедейбаеванын демилгеси жана «Сантерра Юг» фонду менен биргеликте уюштурулган бул иш-чарада кафедра жамааты шаардагы ден соолугунан мүмкүнчүлүгү чектелгендер үчүн №12 атайын мектепке барышып, балдарга майрамдык маанай тартуулашты. Балдарды кинотеатрларга жана шаардагы сейил бакка да алып барышты.