30-ноябрда И.Арабаев атындагы КМУда 1-декабрь — СПИДге каршы күрөшүү күнүнө карата студенттер менен университеттин медициналык бөлүмүндө эмгектенген медицина кызматкерлеринин жолугушуусу уюштурулду.

Жолугушууда медицина кызматкерлери студенттерге СПИДдин зыяндуулугу тууралуу кеңири маалымат беришти. Тактап айтканда, СПИД алгач адамга жукканда адам кандай абалда болорун, андан сактануунун жолдору кандай экендигин түшүндүрүштү.

Студенттер медицина кызматкерлерине кызыккан суроолорун берип, жооп алышты.

И.Арабаев атындагы КМУда СПИДден сактануунун эрежелери студенттерге дайыма түшүндүрүлүп келет. Окуу жайдын медициналык бөлүмүнүн кызматкерлери бул багытта жигердүү иш алып барышат. СПИД илдети Кыргызстанда күч алуунун үстүндө экенин адистер белгилешет.