Ош технологиялык университетинин Жаштар комитети тарабынан Чыңгыз Айтматовдун жаркын элесине арналган «Аалам алпы — Айтматов» аттуу залкар жазуучунун өмүрүнө, чыгармачылык ишмердигине арналган салтанаттуу иш-чара уюштурулду.
Иш-чарага окуу жайдын жалпы жамааты жана студенттери катышып, таланттуу студенттер тарабынан Айтматовдун өмүрү жана чыгармаларына арналган сүрөт көргөзмөсү уюштурулду. Ч.Айтматовго арналган ырлар окулп, жазуучунун чыгармаларынан үзүндүлөр көрсөтүлүп, монолог аткарылып, адабий-обондук кече уюштурулду.
Иш-чаранын максаты студенттердин жазуучунун өмүрү жана чыгармачылыгы жөнүндө билимин жогорулатуу, чыгармаларына кызыгууну жаратуу, жазуучунун кыргыз жана дүйнөлүк адабиятка кошкон салымын урматтоо болуп саналат.
Иш-чаранын жүрүшүндө факультеттер аралык сынак өткөрүлүп, жыйынтыгы чыгарылды.
Көркөм окуу:
- 1-орун — Шергазы кызы Мираида
- 2-орун — Куштарбек кызы Айчүрөк
- 3-орун — Жумабай кызы Адина
Монолог:
- 1-орун — Кадырбеков Элтуран
- 2-орун — Абдикаримов Акжол
- 3-орун — Сарыбатова Элиза
Сүрөт сынагы:
- 1-орун — Сарыбаев Жумакадыр
- 2-орун — Абдималик кызы Айназик
- 3-орун — Эмилбек кызы Наргиза, Бөжөков Жеңишбек.
Окуу жайдын жетекчилиги тарабынан жеңүүчү командаларга ардак грамоталар, дипломдор жана баалуу сыйлыктар тапшырылды.