Ош мамлекеттик педагогикалык университетинин колледжинде 21-февраль — Бүткүл дүйнөлүк эне тил күнүнө карата декада старт алды.

Иш-чара «Тил үйрөнүүдөн ырахат ал!» деген темада болуп, аны дүйнөлүк тилдер кафедрасы жаштардын тил үйрөнүүгө шыгын арттыруу жана чыгармачылыгын өстүрүү максатында уюштурууда.

Ага «орус тили» жана «англис тили» адистигинде билим алып жаткан студенттер катышып, декаданын ачылышында орус элинин жомокторун сахналаштырышты.

Аталга декада 26-февралга чейин уланат. Уюштуруу тобу тарабынан түзүлгөн пландын негизинде алдыда ачык-тарбиялык сааттар, сынактар жана интеллектуалдык оюндар уюштурулат. Жыйынтыктоочу күнү эң мыкты сабактар белгиленип, ага активдүү катышкан студенттерге сыйлыктар тапшырылат.