Министрлер кабинетинин төрагасынын орун басары Эдил Байсалов 21-февралда ОшМУда иш сапары менен болду.
Ал Ош шаарынын вице-мэри Венера Рыскулова, ОшМУнун ректору Кудайберди Кожобеков менен биргеликте окуу жайдагы Москва мамлекеттик университетинин филалынын жаңы окуу корпусу менен таанышты.
Сапардын алкагында университеттин Индустриалдык-педагогикалык колледжиндеги алдыңкы тажрыйба борборунун билим берүүдөгү тажрыйбалары тууралуу маалымат алып, ОшМУнун медициналык клиникасынын иш тажрыйбасы менен таанышты.
Э.Байсалов жалпысынан ОшМУнун санариптик билим берүү чөйрөсү жана ачык-айкындуулукту камсыздоо боюнча аткарылган иш-аракеттери, академиялык мобилдүүлүк программалары боюнча маалыматтарды алды.