2022-жылдын 23-26-февралында Дубай шаарында өткөрүлгөн Global Peace Summit Dubai - 2022 саммитине К.И.Скрябин атындагы Кыргыз улуттук агрардык университетинин ветеринардык медицина жана биотехнология факультетинин 4-курсунун студенти, Жогорку студенттик кеңешинин президенти, презитенттик стипендианын ээси Тилекабылов Эрбол катышып келди.

Эл аралык саммитке 70тен ашуун мамлекеттен 150дөй өкүл катышып, Бириккен улуттар уюмунун туруктуу өнүгүүнүн максаттарына жетүүгө, бардык улуттарды тынчтыкка чакырууга, адам укуктарын коргоого багытталып жана дүйнөдө болуп жаткан көйгөйлөргө токтолушуп, аны жоюунун жолдору талкууланды.