Ушул жылдын 10-12-февраль күндөрү «Алыш» бел боо күрөшү боюнча Кыргызстан чемпионаты болуп өттү. Анда Б.Осмонов атындагы Жалал-Абад мамлекеттик университетинин 3-курсунун студенти Касым Анарбаев 70 кг салмакта 1-орунду багындырып, алтын медалга ээ болду.

Ошондой эле ал Түркия мамлекетинде өтө турган Дүйнөлүк көчмөндөр оюндарына жолдомо алды.

Касым Анарбаев — ЖАМУнун педагогика жана маалымат техналогиялар факультетинин дене тарбия жана спорт кафедрасынын студенти. Учурда 3-курста окуйт жана Жалал-Абад шаарынын И.Раззаков атындагы спорт мектебинде машыгып келет.