5-мартта Ош технологиялык университетинде Ак калпак күнүнө карата иш-чара өткөрүлдү.
Салтанатка окуу жайдын жетекчилиги, окутуучулары жана студенттери катышты.
Иш-чарада ОшТУнун ректорунун милдетин аткаруучу Мурзабек Сагыналиев кыргыз элиндеги ак калпактын өзгөчө ордун, бийиктигин, ыйыктыгын белгилеп, улуттук баш кийимди кастарлап кийүүгө чакырды.
Иш-чарада Кыргыз Республикасынын Мамлекеттик гимни ырдалып, мекенчилдик темасындагы обондуу ырлар жаңырды.
Жыл сайын 5-мартта улуттук баш кийим — ак калпактын урматына майрам өткөрүлөт. Бул күн Жогорку Кеңештин 2016-жылдын 29-июнундагы токтому менен улуттук баш кийимдин маанилүүлүгүн, улуттук каада-салттарды сактоо жана кыргыз элинин маданияты менен сыймыктануу сезимин өнүктүрүү максатында бекитилген.
Салтанаттын жүрүшүндө көргөзмөгө активдүү катышкан студенттерге ардак грамоталар, акчалай сыйлыктар тапшырылды.