Ош технологиялык университетинде Ош шаарында орто жана жогорку окуу жайлар ортосунда спартакиада башталды.
Аталган иш-чара Кыргыз Республикасынын билим берүү кызматкерлеринин ортосунда дене тарбия жана спортту өнүктүрүү, адамдарды дени сак жашоого үндөө, билим берүү кызматкерлеринин ортосундагы биримдикти, ынтымактыкты чыңдоо максатында өткөрүлүп, Ош шаарындагы орто жана жогорку окуу жайларда эмгектенген кызматкерлер катышып жатат.
Мелдеште катышуучулар спорттун улуттук жана классикалык түрлөрүнөн күч сынашууда. 2022-жылдын 10-мартынан 17-мартына чейин Ош шаарында жайгашкан орто жана жогорку окуу жайлардын спорт залдарында, шаардык спорт комитетине караштуу спорттук жайларда өткөрүлүүдө.