2022-жылдын 27-апрелинде К.Тыныстанов атындагы ЫМУнун окутуучуларынын ортосунда Улуу Ата Мекендик согуштагы жеңиштин 77 жылдыгына карата факультеттер аралык кароо-сынак болуп өттү.
Сынактын тапшырмаларында согуш темасындагы видеоролик, патриоттук ырлар, бийлер жана театралдаштырылган чакан сценкалар болду.
Кароо-сынактын байге фонду 90 000 сомду түздү. Андан тышкары, ЫМУнун ректору Аскар Иманбаев ар бир факультетке өз эсебинен 2000 сомдон тапшырды.
Жыйынтыгында калыстар тобунун чечими менен баш байге — 25 000 миң сом акчалай сыйлыкка ЫМУнун колледжи, 1-орун — 20 000 миң сом акчалай сыйлыкка педагогика факультети, 2-орун — 15 000 миң сом акчалай сыйлыкка экономика, туризм жана тарых факультети, 3-орун — 10 000 миң сом акчалай сыйлыкка филология факультети жана физика-математика жана табигый-техникалык факультети ээ болушту.