Жалал-Абад мамлекеттик университетинде 21-майда IX аймактар аралык университеттик олимпиада өттү.

Ага 8 жогорку окуу жайдын 250дөн ашуун окутуучулары жана 700дөн ашуун студенттери катышып, 17 предметтен күч сынашты.

ОшМУда даярдалып жаткан багыттар боюнча профилге тиешелүү жана тиешелүү эмес дисциплиналар боюнча 115 студент жана жооптуу 40 окутуучу окуу жайдын илимий иштер боюнча проректору Руслан Арапбаевдин жетекчилигинде катышып келди.

Аймактык олимпиаданын жыйынтыгы боюнча жалпысынан 22 студент 1-орунду, 10 студент 2-орунду, 6 студент 3-орунду ээлеп, ийгиликке жетишип, дипломдорго ээ болушту. ОшМУнун командасы 2012-жылдан тартып студенттик аймактык олимпиадада баш байгени ээлеп келишет.

Кезектеги студенттик олимпиаданы өткөрүү эстафетасы ОшМУга берилди.