Ош мамлекеттик педагогикалык университетинде 1-июнь — Эл аралык балдарды коргоо күнү белгиленди.

Мында окуу жайдын кызматкерлеринин балдары үчүн майрамдык оюн-зооктор, концерттик программалар уюштурулуп, сый-тамактар жана белектер тартууланды.

Балдар алгач окуу жайдын аянтына чогулуп, жер үстүнө сүрөттөрдү тартышып, спорттук оюндарды ойношту. Андан соң жыйындар залында ыр айтып, бий бийлеп, өз таланттарын көрсөтүштү.

Соңунда ар бир балага белектер тапшырылып, түшкү тамактануу менен майрамдык программа жыйынтыкталды.

Иш-чара университеттин жетекчилиги, Профсоюз жана Жаштар комитети тарабынан уюштурулду.